Хураангуй:
Дэлхий дахинд боловсролын салбарт дижитал технологи дээр суурилсан сургалтын хэлбэр эрчимтэй хөгжиж, зах зээлийн цар хүрээ өргөжсөөр байгаа билээ. Монгол улсын боловсролын салбарын хувьд цахим сургалт нь заах арга зүй болон оюутан, сурагчдын сурах арга барилд дэвшилт авчирч, асар их шинэ боломжуудыг нээж өгч байна. Цахим сургалт нь олон төрлийн мэдээлэл, агуулгын хүрээнд яригдах боловч энэхүү судалгааны ажлынхаа хүрээнд цахим хичээлийн контентийн талаар авч үзэн, СЭЗИС-ийн цахим сургалтын Moodle системийн нэг хичээлийн талбарын өртгийг үйлдэлд суурилсан аргаар тооцоoлсон болно. Тус судалгааны ажлын хүрээнд үйлдэлд суурилсан өртөг тооцох аргын онолын судалгаа, өнөөгийн байдал болон байгууллагын дотоод үйл ажиллагааны хүрээн дэх мэдээллийг цуглуулж эмпирик болон тоон шинжилгээний аргаар шинжилж уг судалгаанд дүгнэлт болон санал зөвлөмжүүдийг боловсрууллаа.
