Хураангуй:
2022 оны 2 дугаар сард Улаанбаатар хотын шинэ орон сууцны нэг метр квадрат талбайн дундаж үнэ 3.08 сая төгрөг болсон бөгөөд өмнөх оны мөн үеэс 11.6 хувиар өссөн үзүүлэлттэй байна. Улаанбаатар хотын шинэ болоод хуучин хуучин орон сууцны үнэ нэмэгдсэн өнөөгийн нөхцөлд орон сууцны үнэд эрэлт болон нийлүүлэлтийн талаас хамгийн ихээр нөлөөлж буй хүчин зүйлс, тэдгээрийн нөлөөллийг эконометрик аргачлалаар үнэлж, орон сууцны зах зээлийг эрэлт, нийлүүлэлт талаас хэрхэн дэмжиж болох санал зөвлөмж боловсруулах нь энэхүү судалгааны ажлын хүрээнд хийсэн. Тус судалгааны нэгдүгээр бүлэгт гадаадын болон Монголын судлаачид олон сууцны үнэд нөлөөлж буй эрэлт нийлүүлэлтийн хүчин зүйлсийг хэрхэн тодорхойлж буй, мөн цар тахлын дараах голлон нөлөөлөлж буй хүчин зүйлсийн өөрчлөлтийг судалсан бөгөөд хоёрдугаар хэсэгт үл хөдлөх хөрөнгө болоод үл хөдлөх хөрөнгийн зах зээл, тэр дундаа орон сууцны үнэд нөлөөлөгч хүчин зүйл, үнэ бүрдэлт, үнийн хөөсрөлт зэрэг ойлголтыг онолын түвшинд эмхтгэлээ. Судалгааны ажлын гуравдугаар бүлэгт уг судалгааны аргазүйг олон сууцны үнэд эрэлт талаас нөлөөлөгч хүчин зүйлсийг олон хүчин зүйлийн регрессийн шинжилгээ хийн, нийлүүлэлт талаас нөлөөлөгч хүчин зүйлсийг график харьцуулах аргаар, орон сууцны үнэд нөлөөлөх чанарын хүчин зүйлсийг асуулга судалгааны аргыг ашиглан шинжилсэн. Улаанбаатар хотын орон сууцны үнэд эрэлт талаас өрхийн орлого болон өрхийн тоо хүчтэй нөлөө үзүүлж байсан бол нийлүүлэлт талаас барилгын материалын үнэ, ажиллах хүч, газрын үнэ зэрэг хүчин зүйлсийн нөлөөлөл өндөр байна.
