Хувь хөрөнгө оруулагчийн хөрөнгө оруулалтын шийдвэр гаргалтыг зан төлөвийн санхүүгийн онолоор тайлбарлах нь

Abstract

Энэхүү судалгааны ажлаараа Монгол улсын хувь хөрөнгө оруулагчдийн үнэт цаасны болон үнэт цаасны бус хөрөнгө оруулалтын зорилго, шалтгааныг тодруулан санхүү, хөрөнгийн зах зээлд ямар бүтээгдэхүүн эрэлттэй байгааг олж тогтоохыг зорьсон. Үүний хүрээнд Улаанбаатар хотын 384 хувь хөрөнгө оруулагчаас анкетын аргаар судалгаа авсан ба судалгааны үр дүнд үнэт цаасны бус төрлөөс хадгаламж, үл хөдлөх хөрөнгө, алт болон болон үнэт металлд голчлон хөрөнгө оруулалт хийдэг ба энэхүү хөрөнгө оруулалтын төрлийн сонгож буй шалтгаан нь эрсдэлгүй найдвартай тогтмол өгөөжтэй хэмээн үздэг бол үнэт цаасны төрлөөс хувьцаа, бонд, хамтын санд хөрөнгө оруулалт ихээхэн хийдэг ба эдгээр хөрөнгө оруулалтыг сонгож буй шалтгаан нь өндөр өгөөж хүртэх боломжтой, хөрөнгийн үнэлгээг өсгөх боломжтой, олон сонголт хувилбартай хэмээн хариулжээ. Мөн зан төлөвийг тодорхойлох асуулгын үр дүнгээр хоёр шатлалт кластер шинжилгээ хийн үүнийг хүн ам зүйн хүчин зүйлтэй хослуулсан бөгөөд судалгааны үр дүнд 4 ялгаатай кластер үүссэн.