Төслийн амжилт, бүтэлгүйтэлд нөлөөлөх хүчин зүйлийн судалгаа

Abstract

Энэхүү судалгааны ажлаараа Монгол Улсад хэрэгжсэн төслүүдийг удирдагч нараар нь үнэлүүлж, төслийн амжилт, бүтэлгүйтэлд нөлөө үзүүлдэг хүчин зүйлсийг судалсан. Ингэхдээ төсөл нь салбараас үл хамааран амжилттай хэрэгжихэд төслийн менежментийн арга хэрэгсэл, стандарт, аргазүйг ашиглах, төслийн удирдагчийн мэргэшсэн байдал, чадавхи өндөр байх нь тухайн төслийн амжилтад сайн нөлөө үзүүлдэг гэсэн олон улсын судалгааны дүгнэлт дээр үндэслэн хийлээ. Бодит үр дүн дээр манай менежер, удирдагч нар төслийн амжилт бүтэлгүйтэлд нөлөөлсөн хүчин зүйлийн ач холбогдлыг үнэлж байгаа тул судалгааны асуулгад төсөл дээр ажилласан туршлага бүхий (хамгийн багадаа 1 жил ажилласан) төслийн удирдагч, менежер албан тушаалтай хүмүүсийг хамруулав. Төслийн амжилт, бүтэлгүйтлийн хүчин зүйлийг Малайзын Лин Кэн Зэн судлаачийн тодорхойлсон 22 хүчин зүйл бүхий 3 бүлгээс бүрдэх нийт 43 асуулт бүхий асуулгыг сонгосон. Энэхүү асуулгын эхний хэсэг нь судалгаанд оролцогч менежер болон байгууллагын ерөнхий профайл мэдээллийг агуулсан бол дараагын хэсэгт нь манай улсын менежерүүд удирдсан төслүүдийнхээ хувьд төслийн амжилтын 22 хүчин зүйлсийн ач холбогдлыг үнэлэсэн бөгөөд сүүлийн бүлэгт тухайн төслүүдийн цаг хугацаа, төсөв, цар хүрээ буюу төслийн гурвалсан хэмжээсээр үнэлэснээс гадна оролцогч талуудын байр суурь, сэтгэл ханамжаар өөрсдийн удирдсан төсөлд үнэлгээ өгсөн болно.