Хураангуй:
Үйлчлүүлэгчдийн хүлээлтэд нийцсэн чанартай үйлчилгээг үзүүлэхийн тулд тэдний хэрэгцээ шаардлагыг мэдэрч ажиллах нь чухал юм. Манай улсын ТМЗҮ үүсч хөгжөөд 17 гаруй жил болж байна. ТМЗҮ нь татварын алба татвар төлөгчдийн хооронд гүүр болж ажилладаг ба ТМЗҮ-ний чанар сайжирснаар татвар төлөгчдийн татварын талаарх ойлголтыг сайжруулж, татварын эрсдэлийг бууруулах олон сайн нөлөөтэй юм. Иймээс энэхүү судалгааны ажлаараа ТМЗҮ-ний чанарыг хэмжиж, цаашид сайжруулах талаар санал зөвлөмж боловсруулахыг зорьсон.
ТМЗҮ-ний чанар хангалтгүй буюу үйлчлүүлэгчийн хүлээлт бодит байдлаас өндөр байна гэсэн таамаглал дэвшүүлэн Parasuraman, A., Berry, L.L., Zeithaml, V.A., (1985) нарын үйлчилгээний чанарыг хэмжих SERVQUAL аргаар LIKERT SCALE-ийн системийг ашиглан Татварын мэргэшсэн зөвлөх үйлчилгээний чанарыг хэмжиж, судалгааны үр дүнд шинжилгээ хийсэн.
Татварын мэргэшсэн зөвлөх үйлчилгээний өнөөгийн байдлын судалгааг нийт 27 хуулийн этгээдүүдийг хамруулан анкетын аргаар судалгаа авсан. Үйлчилгээ чанарыг хэмжихийн тулд 5 үзүүлэлт бүхий 21 асуулттай асуулга боловсруулж, үйл ажиллагаагаа тогтвортой явуулж буй 28 ТИХЭ болон үйлчилгээ авсан 45 үйлчлүүлэгчдээс анкетын аргаар судалгаа авсан. Судалгааны мэдээллийг SPSS 23.0, MS Excel программ ашиглан дүн шинжилгээ хийж боловсруулалтын аргуудаар илэрхийлсэн.
Шинжилгээний үр дүнд үйлчлүүлэгчдийн хувьд үйлчилгээний чанарын 21 үзүүлэлт бүгд хангалтгүй буюу бодит байдал хүлээлтээс доогуур үзүүлэлттэй гарсан бол ТИХЭ-ийн хувьд зарим үзүүлэлтүүд хүлээлтээс өндөр гарсан байна. Үйлчлүүлэгчдийн хувьд ТИХЭ-ээс хүсч буй үйлчилгээг тодорхойлж, гүйцэтгэл ямар байсныг тодорхойлон нөгөө талаас ТИХЭ-ийн хувьд өөрсдийн үзүүлж буй үйлчилгээг ямар байна гэж үзэж байгааг харьцуулан, цаашид үйлчилгээг сайжруулахын тулд ямар арга хэмжээ авах шаардлагатай санал зөвлөмж боловсрууллаа.
