Хураангуй:
Уг судалгааны ажлаар ажилтнуудын байгууллагадаа үнэнч байх сэтгэлгээнд нөлөөлөгч хүчин зүйлсийн талаарх олон улсын судлаачдын хийсэн судалгаануудад тулгуурлан Монгол Улсын арилжааны банкуудын теллер болон эдийн засагч албан тушаалтнуудын байгууллагадаа үнэнч байх сэтгэлгээнд нөлөөлөгч хүчин зүйлсийн нөлөөллийг шинжилсэн. Ажиллагсдын үнэнч байх сэтгэлгээнд нөлөөлөгч бүхий л хүчин зүйлсийг хамруулан авч үзсэн нь өдийг хүртэл Монгол улсад хийгдсэн судалгаануудтай харьцуулахад уг судалгааны онцлог шинж юм.
Судалгаанд арилжааны 5 банкны 266 ажилтныг хамруулсан бөгөөд үнэнч байх сэтгэлгээний бүрдлүүдэд онолын хувьд нөлөөлнө хэмээн таамаглан авч үзсэн хувьсагчид ерөнхийдөө онолын хувьд нийцтэй үр дүнг харуулсан. Судалгааны үр дүнд тулгуурлан дүгнэлт гарган, санал зөвлөмжүүдийг тусгаж өглөө.
