Фэйсбүүк дэх видео сурталчилгаа хэрэглэгчдийн худалдан авах хүсэлд нөлөөлөх хүчин зүйлсийн судалгаа /KFC рестораны жишээнд/

Abstract

Дэлхий даяар “COVID-19” цар тахал гараад даруй 2 дахь жилээ үзэж хүмүүс нэг нэгнээс зай барих, амны хаалт зүүх, олон хүнтэй арга хэмжээ цуглаан, хичээлд орох боломжгүй болж иргэд бидний амьдрал өмнө байснаас илүүтэйгээр цахимжих шаардлага тулгарав. Үүнийг дагаад хэрэглэгч нар хөл хорионы улмаас гэртээ тусгаарлагдаж, өмнө анзаарч байгаагүй асуудлуудаа анхаарч, шинэ хэрэгцээ үүсэж эхлэв. Иргэд өмнө гарч байгаагүй чөлөөт цагтай болж бүгд өөр өөрсдийн хүсэл сонирхлын дагуу цагаа зарцуулж байв. Үүнийг дагаад бизнесийн байгууллагууд, маркетерууд ч арга барилаа өөрчилж гэртээ байгаа хэрэглэгчид, завгүй хэрэглэгчдэд зориулж сошиал медиа маркетинг хөгжүүлж медиа хэрэгслээр өмнө өмнөхөөс илүү олон төрлийн контентууд цацагдаж, хэрэглэгчдийн хэрэгцээг хангах, асуудлыг шийдэх олон төрлийн дижитал шийдлүүд гарч ирсээр байна. Чухам уг дижитал маркетингт зарцуулагдаж буй хүч хөдөлмөр, контентийн зах зээл, цаг хугацаа, санхүүгийн зарлагыг зөв зохистой зарцуулахын тулд маркетерууд эхлээд хэрэглэгчээ таньж мэдэх зайлшгүй даваатай нүүр тулдаг. Иймд видео контент хэрэглэгчийн худалдан авалтад нөлөө байгаа эсэх, хэрхэн яаж нөлөөлж буй хүчин зүйлийг тодорхойлохоор тус судалгааг гүйцэтгэсэн. Судалгааны ажлын хүрээнд KFC түргэн хоолны сүлжээ рестораны хэрэглэгчдийн онцлогийг тодорхойлон тэдэнд видео контент, идэвхжүүлэлт хэрхэн нөлөөлж буйг тодорхойлохыг зорьсон. Судалгааны хүрээнд өмнөх судалгааны загварыг нутагшуулан ашигалах тул бусад судлаачдад анхдагч эх үүсвэр болох, жишээ болж буй байгууллагад болон энэ төрлийн салбарт бизнес эрхлэгч нарт оновчтой маркетингийн алхам хийхэд туслах юм.