Хураангуй:
Судалгааны хүрээнд 1972 оноос хойш үйл ажиллагаагаа тасралтгүй эрхэлж буй
“Шилмэл Загвар” ХХК-г төлөөлөл болгон авч тухайн байгууллагын дотоод хяналтын
хэрэгжилт, үйл явцын талаар судалж түүнийг үнэлэн цаашид хэрхэн сайжруулах
боломжтой талаар санал, зөвлөмжийг боловсруулан гаргалаа. Ингэхдээ удирдах болон
гүйцэтгэх шатны бүх ажилчдыг хамруулан анкетын болон ярилцлагын аргаар мэдээлэл
цуглуулсан болно.
Компанийн дотоод хяналтын өнөөгийн байдал болон эрсдэлийг үнэлэхийн тулд COSO
загварын удирдамжийг ашиглан жижиг, дунд аж ахуй нэгжид тохиромжтой асуулга
боловсруулан үнэлсэн. Уг судалгааг объект компанийн нийт ажилчдаас авсан анкетын
болон ярилцлагын үр дүнд тулгуурлан хийсэн болно.
Үнэлгээний үр дүнд тулгамдсан асуудлыг тодорхойлж нэн яаралтай хийж гүйцэтгэх
арга хэмжээг судлаачийн зүгээс санал болгож, зөвлөмжийг боловсруулснаар объект
компанийн цаашдын үйл ажиллагаанд бага ч болов хувь нэмрээ оруулсан гэдэгт итгэлтэй
байна.
