Хураангуй:
Нөхцөлт ажил хийдэг болон хийж байсан 440 хүнээс судалгааны түүврээ бүрдүүлсэн бөгөөд JSS загварт суурилан анкетаа боловсруулж асуулгын арга ашигласан. Үр дүнг SPSS 23 програмаар шинжилсэн. Сэдэлжүүлэлт бага байх нь байгууллагын хүрээнд бүтээмж буурах, сургалт хөгжүүлэлтийн зардал их байх нэг шалтгаан болдог байна. Хэдий бүтэн бус цагийн нөхцөлт ажилтан ч гэсэн үндсэн ажилтантай ижил хэмжээний хүчин чармайлтыг байгууллагаас шаарддаг билээ. Нөхцөлт ажилтныг ажлын сэтгэл ханамжтай байлгах нь үндсэн ажилтныг ажлын сэтгэл ханамжтай байлгахтай тэнцүү хэмжээний үр ашигтай юм. Нөхцөлт ажилтны сэдэлжүүлэлтэд нөлөөлөх хүчин зүйлийг судлах нь байгууллагын уур амьсгалыг хэвийн авч үлдэх болон болон өөр олон давуу талтай юм. Уг судалгаагаар сэдэлжүүлэлтэд нөлөөлөх хүчин зүйлсийг бүлэглэж, түүнд нас, тухайн байгууллагад эрхэлж буй ажлын байрны түвшин ажилласан жил гэх мэт ерөнхий хүчин зүйлүүд нөлөөлж болохыг таамаглал дэвшүүлэн судалсан болно.
