Хураангуй:
Энэхүү судалгааны ажлын хүрээнд манай улсын үүрэн холбооны салбар дээр суурилсан бизнесийн үнэлгээний арга аргачлалыг судлан шинжилж, хэрхэн бизнесээ өргөжүүлэх, стратегийн шийдвэр гаргалтад хэрхэн нөлөөлж болох боломж байгааг судлахыг зорьсон. Манай улсад үйл ажиллагаагаа явуулж буй 4 үүрэн холбооны компани байгаа бөгөөд бизнесийн үнэлгээ хийлгэх хэрэгцээ байгаа эсэх бизнесийн үнэлгээг дотоод болон гадаад үнэлгээчнээр үнэлүүлж байсан эсэх харилцаа холбооны салбар тэр дундаа үүрэн холбооны компанийн хувьд бизнесийн үнэлгээний ямар арга аргачлал стратегийн шийдвэр гаргалтад илүү эерэг нөлөө үзүүлж болох зэргийг тодорхойлохын тулд үүрэн холбооны 4 компани 2 хөрөнгийн үнэлгээчнээс нийт 7 асуултын дагуу ярилцлагын аргаар судалгаа авахад судалгаанд оролцогсдын дийлэнх хувь нь бизнесийн үнэлгээ хийлгэх хэрэгцээ шаардлага байгаа ба бизнесийн үнэлгээг ихэвчлэн гадаад үнэлгээний компаниудаар хийлгэж байсан гэсэн дүгнэлт гарсан юм. Мөн бизнесийн үнэлгээг хийхэд үнэлгээний янз бүрийн хандлага ашиглаж байсан бөгөөд тогтсон нэг арга хандлага байхгүй гэсэн үр дүн гарсан юм.
Судалгааны арга зүйн хувьд Х харилцаа холбооны компанийн онцлогт нь тохируулан үнэлэх аргуудаа сонгон авсан бөгөөд, үнэлгээ тус бүр дээр ач холбогдлын түвшинг тогтоож компанийн нийт үнэлгээг тодорхойлж чадсан юм. Харилцаа холбооны компаниудийн хувьд бизнес үнэлгээний ач холбогдлыг ойлгох, бизнесийн үнэлгээний тохиромжтой арга аргачлалыг тодорхойлох, түүнийг стратегийн шийдвэр гаргалттай уялдуулан компанийн ирээдүйн чиг хандлага, стратегийг бий болгох зэрэг зөвлөмж хүргэсэн болно.
