Хураангуй:
Үл хөдлөх эд хөрөнгийн албан татвар ногдуулах үнэлгээ нь харилцан адилгүй
татварын үндсэн зарчим болох тэгш шудрага байх зарчмыг зөрчиж байна.Үл хөдлөх эд
хөрөнгийн татвар ногдуулж буй өнөөгийн байдлыг судалж, татвар ногдуулах үнэ,
үнэлгээнд өөрчлөлт оруулах шаардлагатай эсэхийг тодорхойлох, татварын албанд
үнэлэгч томилох эсвэл татварын улсын байцаагч үнэлгээг шинэчлэн тогтоох, улс
орнуудын туршлагаас өөрийн оронд хэрэгжүүлэх боломжийг судлах юм. Манай улсад
ҮХЭХАТ-ийн тухай хууль 2000 онд батлагдаж, татварын хувь хэмжээг нэмэгдүүлэх
тухай нэг удаа өөрчлөлт орсон бөгөөд татварын бааз суурийг нэмэгдүүлэх, татварын
суурийг оновчтой тодорхойлох талаар нэг ч удаа өөрчлөлт ороогүй байна. ҮХЭХАТ-ын
суурь буюу үнэлгээг татварын зорилгоор тодорхойлох, татварын тэгш шударга байх
зарчим хангагдах талаар нэг ч удаагийн өөрчлөлт ороогүй юм. Татварын орчинд
ойлгомжгүй тодорхойгүй байдал бий болгож татвар төлөгч татварын албаны хооронд
маргаан ихээхэн үүсдэг. ҮХЭХ-д татвар ногдуулж буй өнөөгийн байдалд үнэлгээ өгч
зохих санал зөвлөмжийг боловсруулах зайлшгүй шаардлага үүсч байна.
Иймд судалгааны ажлаараа үл хөдлөх эд хөрөнгийн албан татварын хэрэгжүүлэлтийн өнөөгийн байдлыг судалж
тулгамдаж буй асуудлыг тодорхойлж, ОУ-ын туршлагыг нэвтрүүлж, татварын бааз
суурийг нэмэгдүүлэх санал, зөвлөмжийг боловсруулсан болно.
