Хураангуй:
Энэхүү судалгааны ажил нь Монгол улсын томоохон сүлжээ дэлгүүрүүдэд бараа бүтээгдэхүүнээ нийлүүлж хамтран ажилладаг байгууллагуудад тулгардаг гол асуудал болох үнэ зохиолтын бодлогыг оновчтой болгохыг зорисон. Олон худалдааны компаниуд сүлжээ дэлгүүрүүдэд бараа бүтээгдэхүүнээ байршуулахын тулд тэдний нөхцөлөөр хамтран ажиллах шаардлага гардаг. Ингэснээр сүлжээ дэлгүүрүүдийн хоорондын өрсөлдөөний үнийн бодлогоос шалтгаалан байршуулсан бүтээгдэхүүний үнэ буурах, ашиг буурах зэрэг эрсдлүүд тулгардаг. Уг судалгааг сүлжээ дэлгүүрүүдэд бараа бүтээгдэхүүнээ нийлүүлэх гэж байгаа байгууллагууд ашигласнаар эрсдэлүүдийг багасгаж шинэ бүтээгдэхүүнийг сүлжээ дэлгүүрүүдэд санал болгохдоо үнэ зохиолтыг оновчлоход тус болно.
