Хураангуй:
Уул уурхайн салбар нь Монгол Улсын нийгэм, эдийн засгийн хөгжлийн тулгуур салбар бөгөөд тус салбарын цаашдын тогтвортой хөгжлийг хангахад улс төр, эрх зүйн тогтвортой бодлого болон хөрөнгө оруулалтын таатай орчин зайлшгүй шаардлагатай. Уул уурхайн салбар тэр дундаа алтны салбар Монголд чухал ач холбогдолтой. Олон улсад уул уурхайн тэр дундаа хайгуулын салбарт үйл ажиллагаа явуулж буй компаниуд олон төрлийн бэрхшээлтэй тулгарч байгаагийн нэг нь санхүүжилт татан төвлөрүүлэх юм. Тэр дундаа санхүүжилтийн олон төрлийн хэрэгслийг нэвтрүүлэх зайлшгүй шаардлагатай байна. Судалгааны ажлын хүрээнд Монголд алтны хайгуулын төсөл хэрэгжүүлж буй компаниудад тулгамдаад буй санхүүжилтийн асуудлуудыг тодорхойлж, хайгуулын үе шатнаас хөгжүүлэлт, олборлолтын үе шат руу шилжихэд шаардлагатай санхүүжилтийн хувилбаруудыг санал болгоход оршино. Сэдвийн хүрээнд алтны хайгуулын төсөл амжилттай хэрэгжүүлээд олборлолт хийж байгаа, хайгуулын үе шатнаас хөгжүүлэлтийн үе шатанд амжилттай шилжсэн болон өнөөдрийн байдлаар хайгуулын үе шатандаа явж байгаа болон гэсэн санхүүжилт татаж чадаагүйн улмаас үйл ажиллагаа нь хумигдсан таван компани дээр тандан судалгаа хийсэн.
