Хураангуй:
Хөрөнгийн зах зээлийн арилжаанд та хэр амжилттай байсан эсэх, эсвэл дөнгөж
эхэлж байгаа эсэхээс үл хамааран, юунд хөрөнгө оруулалт хийх? Бизнесийн циклийн
үеүдэд ямар салбар эрсдэл багатай, ямар салбар өгөөж өндөртэй вэ? гэдэг судалгаа
шинжилгээг ашиглаж чадвал танд боломж байна гэсэн үг.
Sam Stovall (1996, 2004), Bernanke болон Kuttner (2004), Murphy (2004), Conover et
al. (2008), Stangl et al. (2009) нарын судалгааны үр дүнгээс салбар сэлгэлтийн стратеги
нь дундаж зах зээлээс илүү их өгөөж авчирдаг гэдгийг харж болно. Эдгээр судалгаанууд
нь суурь анализ хийдэг хөрөнгө оруулагчдад салбар сэлгэлтийн аргыг ашиглан хөрөнгө
оруулж болно гэдгийг батлан харуулсан юм.
Санхүүгийн зах зээлийн нэгэн үр нөлөөтэй арга нь хөрөнгийг нэг салбараас нөгөө
салбарлуу шилжүүлэх функц буюу, өөрөөр хэлвэл хөрөнгийн зах зээл дээр байгаа тухайн
хөрөнгийн үнээс шалтгаалан, зарим салбарууд нь анхаарал татдаг бол зарим нь үгүй
байна. Үр дүнд нь, хөрөнгө оруулалт тухайн анхаарал татсан ашигтай салбарлуу урсаж
эхэлдэг.
Энэхүү судалгааны ажлын хүрээнд бизнесийн циклийн судалгааг хийж, дата
мэдээллээ монголын хөрөнгийн бирж дээр үйл ажиллагаа явуулж буй компаниудын
хувьцааны өгөөж тоо ширхэг зэрэг мэдээлэлтэй холбон тайлбарлаж, үр дүнг хөрөнгө
оруулалтын шийдвэр гаргалтанд ашиглахыг зорьсон.
