Хураангуй:
Сургууль, багш нар стратеги боловсруулалтын журмаа сайн мэдэж ойлгодог ч яг тулаад хуучин арга барил, хуучин сэтгэлгээнээсээ салаагүй менежерүүдийг шинэ менежментийн арга барилд сургах, сэтгэлгээг өөрчлөх хэрэгтэй. Энэ нь багш нарын зүгээс бүхэлдээ ерөнхий боловсролын сургуулийн менежментийг шинэ үзэл хандлагаар харж буйг илтгэж байгаа хэрэг юм. Өөрөөр хэлбэл, бид хүүхэд бүрийг хөгжүүлэх үзэл санааг хэрэгжүүлэхдээ сургуулиа хуучин менежментээрээ удирдан зохион байгуулаад байх боломжгүй байна.
Сургуулийн стратеги төлөвлөгөө нь удирдлагаас илүүтэйгээр багш, сурагчдад улмаар эцэг, эхчүүдэд ойлгомжтой, ажлууд нь уялдаа холбоотой байж, бүх талуудад итгэл үзүүлэн ажил хариуцуулах. Төлөвлөгөөнд ихэнх ажлыг багш нар, сургуулийн захиргаа хийхээр төлөвлөсөн байна. Энэ нь бусад сонирхлын бүлгүүдийн түүний дотор эцэг, эх, сурагчдын оролцоо, манлайллыг хүлээн зөвшөөрөхгүй болон олж харахгүй байгааг харуулж байна.
Судалгаанд оролцсон багш нар сургуулийн эрхэм зорилго, алсын хараа үнэт зүйлийг тогтооход оролцдог эсэхийг судалж үзэхэд 31,4 хувь нь дунд зэрэг, 27.9 хувь нь өндөр гэж хариулсан байна. Энэ сургуулийн стратеги боловсруулалтанд багш нарын оролцоо дунд зэрэг түвшинд байгааг харуулж байна. Иймээс энэхүү судалгааны үр дүнд гарсан дүгнэлтийг үндэслэн сургуулийн стратеги боловсруулалтанд багш нарын оролцоог нэмэгдүүлэхэд байгууллагад хэрэгжүүлэх загварыг санал болгосон болно.
