Хураангуй:
Дэлхий дахинд хэрэглээний технологиуд хурдацтай хөгжих байгаа энэ үед арилжааны банкны чиг хандлага цахим хэлбэр уруу эрчимтэй чиглэж, технологид суурилсан санхүүгийн үйлчилгээ үзүүлэгч байгууллагуудтай энэ зэрэгцэн өрсөлдөхын тулд илүү инновацлаг, дижитал бизнес моделоор ажиллах шаардлага тулгарч байгаа юм.
Монголын арилжааны банкуудын хувьд бүрэн цахим хэлбэрээр үйл ажиллагаа явуулдаг банк байхгүй боловч төлбөр тооцооны ихэнхи хувийг интернет банк, мобайл банк, АТМ, карт зэрэг цахим сувгаар хийдэг. 2021 оны байдлаар хадгаламж барьцаалсан болон цалингийн зээлийг цахим хэлбэрээр санал болгоод эхэлсэн ба бусад төрлийн зээлийг уламжлалт банкны системээр олгосон хэвээр байна. Олон улсын түвшинд хэдий нь иргэдийн зээлийн үйл ажиллагаанд технологийн дэвшлийг нэвтрүүлэн харилцагчиддаа цахим зээлийг олгож байгаа. Үүнтэй адилаар манай орны арилжааны банкууд иргэдийн зээлийн үйлчилгээг бүрэн цахим хэлбэрээр нэвтрүүлэх боломжийг бий болгохын тулд учрах эрсдэл бүрийг зөв тодорхойлж чанаргүй зээлийн хэмжээг ихэсгэхгүй байхад тохирох эрдсэлийн үнэлгээний аргыг тодорхойлох нь зүйтэй.
