Удирдах ажилтны сургалт хөгжлийн хэрэгцээг MSAI аргаар үнэлэх нь

Abstract

Энэхүү судалгааны ажил нь удирдах ажилтны ур чадварын үнэлгээг Монголын нөхцөлд хэрэглээнд нэвтрүүлснээрээ онцлогтой юм. Энэхүү MSAI загвар нь байгууллагын соёлын үнэлгээний загвар болон байгууллагын өрсөлдөөний хүчин зүйлүүд дээр тулгуурласан. Мөн түүнчлэн өөрийгөө үнэлэх систем дээр суурилсан, тусгай зөвлөмжүүдтэй аргачлал юм. Үүний дагуу М групп компаний дунд болон дундаас дээш шатны менежерүүдээс урьдчилан бэлтгэгдсэн судалгааны асуулгуудаар анкетын аргаар судалгаа авсан. Тус байгууллагын удирдлагын ур чадваруудыг одоогийн төвшин болон чухалчилж үзсэн ур чадваруудын үнэлгээний зөрүүтэй байдлаар сургалт хөгжлийн хэрэгцээг тодорхойлж сайжруулах санал зөвлөмжийг өгсөн болно. Үүнээс гадна удирдлагын ур чадварын үнэлгээнд үндэслэн байгууллагын соёлын онцлогийг тодорхойлохыг оролдсон бөгөөд давамгай байсан соёлд чухал шаардлагатай ур чадваруудыг хэрхэн сайжруулах талаар үйлдэлд суурилсан зөвлөмжүүдийг бэлтгэсэн.