Хураангуй:
Аялагчдын сонирхлыг маш ихээр татдаг байгалийн үзэсгэлэнт болон соёлын онцлог бүс нутаг болох Баян-Өлгий аймгийн аялал жуулчлалын салбарын өнөөгийн байдлыг судалж, цаашид сайжруулах боломж, тулгарч буй асуудлуудыг шийдвэрлэх санал дэвшүүлэхэд энэхүү дипломын ажлын зорилго оршино. Зорилгодоо хүрэхийн тулд чанарын судалгааны арга болох ярилцлагын аргыг ашиглан компаниудын өнөөгийн байдал, үйлчилгээний чанар, тулгамдаж буй асуудал зэргийг судалсан. Анкетийн аргыг ашиглан Баян-Өлгий аймагт аялсан гадаад жуулчдын сэтгэл ханамж, аяллын явцад жуулчдад тулгамдсан асуудал зэргийг судалсан. Онолын болон судлагдсан байдлын судалгааг хоёрдогч өгөгдлийг ашиглан судалсан. Цаг үеийн нөхцөл байдалтай холбоотой анкетийн аргыг 100 хувь онлайнаар авсан болно. Судалгааны үр дүнд аялал жуулчлалын компаниудад тулгарч буй хамгийн том асуудал хээр газрын жорлон болон хогийн асуудал болох нь харагдлаа. Үүнээс гадна бүргэдийн баярын үеэр эсвэл аялал жуулчлалын эрэлт ихтэй үед онгоцны тийзийн үнэ, олдоц зэрэг бэрхшээлүүд тулгардаг юм байна. Нэг компани аялал жуулчлалын эрэлт ихтэй үед 50-100 гаруй хүнийг ажлын байраар ханган ажилладаг. Гэхдээ чадварлаг боловсон хүчин дутах тохиолдол бас гардгийг компаниуд хэлж байсан. Тийм ч учраас аялал жуулчлалын компаниуд өөрсдөө санаачлан “Аялал жуулчлалын холбоо” байгуулж ажилчдаа тогтмол сургалт зохион байгуулдаг юм байна. Аялал жуулчлалын компаниуд өөрсдөө эвент зохион байгуулж жуулчдыг өргөнөөр оролцуулах болсон нь авууштай санагдсан.
