Хураангуй:
“COVID-19” цар тахал нь 2019 оны сүүлд БНХАУ-д бүртгэгдсэн ба түүнээс хойш улс улсаар хүнээс хүнд дамжсаар одоогийн байдлаар дэлхийн 216 орнуудад бүртгэгдээд байна. Вирус нь амьсгалын замаар дамжин халдварладаг тул намжаах гол зүйл нь хөл хорио тогтоох буюу хүмүүсийн хөдөлгөөнийг хорих билээ. Уг хөл хорионоос үүдэн олон салбарын үйл ажиллагаа эрхэлдэг байгууллагууд зогсонги байдалд орсоны улмаас улсын эдийн засаг, байгууллагуудын орлогын эх үүсвэр, ажил эрхлэлтийн түвшин зэрэг нь буурсан байна. Тус эрдмийн ажлаараа 2019 оны сүүлээс эхлэн дэлхий нийтээр тархсан “COVID-19” цар тахлын улмаас Монгол улсын хувьцаат компаниудад нөлөөлсөн нөлөөллийг харуулахыг зорьлоо. Судалгааны ажлын хүрээнд Монголын Хөрөнгийн Биржийн ТОП-20 индекс дэх хувьцаат компаниудыг сонгон судалсан ба цар тахлын нөлөөллийг хөл хорио тогтоосон байдалтай уялдуулан өөрчлөлтийг харуулахыг зорьлоо. Шинжилгээг хийхээс өмнө top-down шинжилгээг ашиглан өнөөгийн нөхцөл байдлыг судалж, цаашлаад санхүүгийн шинжилгээ хийхдээ ашигт ажиллагааны харьцааны шинжилгээ, регрессийн шинжилгээ болон дампуурлын эрсдлийн шинжилгээ зэргийг хийлээ.
