Хураангуй:
Татварын орлого нь төсвийн орлогын их үүсвэр юм. Татварын системийн ажиллагааг татварын мэдрэмж, татварын нийт мэдрэмж, татвар ногдуулах хүчин чадал, татвар цуглуулах чадамжийн шинжилгээгээр үнэлдэг. Энэхүү судалгааны ажлаар аж ахуйн нэгжийн орлогын албан татвар, хувь хүний орлогын албан татвар, нэмэгдсэн өртгийн албан татвар, импортын татваруудын мэдрэмж болон нийт мэдрэмжийг үнэлэхийг зорилоо. Тус судалгааны ажилдаа үндсэн 3 таамаглал дэвшүүлсэн болно. Энэхүү таамаглалуудаа шалгахын тулд 1999-2019 оны хугацаан цуваан өгөгдөл ашиглан ARDL загвар үнэлсэн болно. Шинжилгээний үр дүнд татварын сууриас хамаарсан татварын мэдрэмжүүд урт болон богино хугацаанд мэдрэмжгүй. Харин дотоодын нийт бүтээгдэхүүнээс хамаарсан татварын мэдрэмж урт хугацаандаа мэдрэмжтэй хэмээн үнэлэгдэв.
