Хураангуй:
Энэхүү баримт бичигт МУ-ын нийгмийн даатгалын сан, тэр дундаа өндөр насны тэтгэврийн тогтолцоо хэр тэнцвэртэй байгааг үе хоорондын тооцооны арга зүй ашиглан үнэлэх юм. Сүүлийн 10 жилийн хугацаанд манай хэрэгжүүлж буй тэтгэврийн систем нь хурцаар шүүмжлэгдэж байгаа бөгөөд хүн амын насжилт хурдассантай холбоотойгоор улам хүчээ аваад байгаа сэдэв билээ. Тэдгээр шүүмжлэлүүд нь нийт улсын төсөв болон амьжиргааны түвшин доогуур хүмүүст хэрхэн нөлөөлж байгаа руу чиглэгдэж байгаа хэдий ч үе хоорондын тэгш бус байдалд хэрхэн нөлөөлж байгааг төдийлөн анхаарч авч үзэхгүй байна. Харин энэхүү судалгаандаа өнөөгийн тогтолцоо нь үе хооронд ямар ялгаатай үйлчилж байгааг тооцоолсон бөгөөд насжилтаас шалтгаалж буй тэтгэврийн сангийн алдагдлын хэтийн тооцоог гаргалаа. Судалгааны үр дүнд одоогийн өндөр насны тэтгэврийн бодлого нь тэтгэврийн даатгалын сангийн тэнцлийн хувьд ч, үе хоорондын эдийн засгийн хувьд ч урт болон богино хугацаандаа тэнцвэргүй байгааг нотлон харууллаа.
