Хураангуй:
Энэхүү судалгаа нь “Гялс” эрүүл мэндийн төвөөр үйлчлүүлэгчдийн
сэтгэл ханамжийн түвшинг тодорхойлж, санал зөвлөмж боловсруулахад оршино.
Эрүүл мэндийн үйлчилгээнд өвчтөний сэтгэл ханамж нь эмнэлгийн байгууллагын үйл
ажиллагааны чухал бүрэлдэхүүн хэсэг болдог тул эмнэлгүүд эмчилгээ оншилгооноос
гадна үйлчилгээний байгууллага гэдэг талаасаа үйлчлүүлэгчдийг сэтгэл ханамжтай
байлгах чухал хүчин зүйлсүүд дээр анхаарах хэрэгтэй гэж үзэж байна. Сэтгэл
ханамжийн хэмжээг тодорхойлж, эмнэлгийн үйл ажиллагаа болон үйлчилгээний чанар,эмч нарын үйл ажиллагааг үнэлэх, сайжруулах зорилгоор энэхүү судалгааг хийх нь зүйтэй гэж үзэж байна. Судалгааны зорилго нь өвчтөний сэтгэл ханамжийн хэмжээсийг тодорхойлох, эмнэлгүүдийн сэтгэл ханамжийн хэмжигдэхүүнийг хувь хүн,
байгууллагын хүчин зүйлд дүн шинжилгээ хийх зорилготой болно. Судалгааг сэтгэл ханамжийн гол хэмжигдэхүүн болох SERVQUAL асуулгын аргаар авсан ба номинал
өгөгдөхүүн болон ликертийн шкалыг ашигласан. Энэхүү судалгаанд эмнэлгийн
үйлчилгээний 5 хүчин зүйлийг авч судалсан. Судалгаанд Гялс эрүүл мэндийн төвийн
байнгын үйлчлүүлэгчдээс 521 өгөгдөл цуглуулсан. Судалгаанд сэтгэл ханамжийг болон түүнийг хэмжин SERVQUAL-ын 5 хүчин зүйлтэй эерэг хамааралтай гэх агуулгатай нийт 5 үндсэн таамаглал дэвшүүлж, хамаарлын буюу корреляцийн шинжилгээгээр үндсэн SERVQUAL-ын 5 хүчин зүйлийг 24 хэмжигдэхүүнээр тайлбарлан хамаарлын шинжилгээ хийхэд 5 таамаглалын 4 нь батлагдан 1 нь няцаагдсан. Судалгааны үр дүнд эмч ажилчдын ур чадвар, эмнэлэг үйлчлүүлэгч хоорондын харилцан холбоо сайтай байх нь үйлчлүүлэгчийг сэтгэл ханамжтай байхад ихэд нөлөөлдөг байна.
