Хураангуй:
Энэхүү судалгаагаар ахлах ангийнхны мэргэжил сонголтод дахь карьер зөвлөх үйлчилгээний хэрэгцээг тодорхойлохоор зорилоо. Уг үйлчилгээг судалгаандаа ерөнхий боловсролын сургуулийн нийгмийн ажилтан хэмээн төлөөлүүлсэн. Судалгаанд санамсаргүй байдлаар 1-4 болон түүнээс дээш курсийн нийт 307 оюутнуудын суралцаж буй мэргэжлийн сэтгэл ханамжийн талаарх мэдээллийг ашиглав. Агуулгын хувьд авч үзвэл сурагчид мэргэжлүүдийн талаарх мэдлэг дутмаг тул найз нөхөд, гэр бүлийн нөлөөгөөр буруу ташаа сонголт хийдэг хэмээн үзсэн. Мөн уг асуудлыг карьер зөвлөх үйлчилгээгээр дамжуулан сонголтоос авах сэтгэл ханамжийг өндөрсгөх боломжтой гэж таамагласан болно. Уг таамаглалуудыг хүчин зүйлийн шинжилгээ, бүтцийн тэгшитгэлийн загвар, кросстабын аргыг ашиглан шалгалаа. Шинжилгээний үр дүнд дэвшүүлсэн таамаглалуудыг баталж чадсан бөгөөд эцэг эхээр дамжсан сургуулийн талаарх мэдээлэл болон тэдний эрхэлж буй ажил сонголтод сөргөөр нөлөөлдөг. Харин карьер зөвлөх үйлчилгээгээр дамжсан сонголт илүү оновчтой буюу мэргэжлээс авах сэтгэл ханамжийг өндөр байлгах боломжтойг тодорхойллоо.
