Хураангуй:
Арилжааны банкны тогтвортой байдлыг хангах нь эдийн засгийн тогтвортой байдалтай шууд хамааралтай. Банк өөрөө хянах боломжгүй гадаад хүчин зүйлд дотоодын нийт бүтээгдэхүүний өөрчлөлт, инфляци, банкуудын өрсөлдөөн, иргэдийн банкинд итгэх итгэл, эдийн засгийн хямрал, далд эдийн засаг, тухайн банкны системд эзлэх байр суурь зэрэг хүчин зүйлс ордог байна. Харилцагчдын банкинд итгэх итгэл нь хамгийн чухал хүчин зүйл боловч итгэлийг тодорхойлсон судалгааны ажлууд ховор байдаг. Тиймээс энэхүү сэдвийг судлагдах шаардлагатай гэж үзэн санхүүгийн байгууллагын харилцагчдын итгэлийн үнэлгээ ба түүнд нөлөөлөгч хүчин зүйлсийг судлан арилжааны банкны харилцагчдын итгэлийг сайжруулах зөвлөмж өгөх зорилгынхоо хүрээнд олон улсын судалгааны ажлуудаас арилжааны банкны харилцагчийн итгэлийн үнэлгээ, харилцагчийн итгэлд нөлөөлөх хүчин зүйлсийг судлан шинжилж онолд тулгуурлан анхдагч өгөгдөл боловсруулан түүгээрээ эмпирик шинжилгээ хийн судаллаа.
