Хураангуй:
Монгол Улс төвлөрсөн төлөвлөгөөт эдийн засгаас зах зээлийн эдийн засагт шилжих шилжилтийн түүхэн үе шатанд Монгол Улсын Засгийн газрын 1991 оны 01 дүгээр сарын 18-ны өдрийн 22 тоот тогтоолоор улсын өмч хувьчлалын ажлыг эхлүүлэх, цаашид үнэт цаасны зах зээлийг хөгжүүлэх зорилгоор Монголын хөрөнгийн биржийг үүсгэн байгуулсан. Түүнчлэн хувьцаа гаргагчийн үүрэг хариуцлагыг Компанийн тухай хууль (2006), Иргэний хууль (2002), Үнэт цаасны зах зээлийн тухай хууль (2016), Зөрчлийн тухай хууль (2017), Эрүүгийн хууль (2015) болон Санхүүгийн зохицуулах хорооноос баталсан дүрэм журмууд болон холбогдон гарсан бусад журмын хүрээнд зохицуулж өгсөн гэж үзэж байгаа боловч одоо хүртэл практикт хувьцаа гаргагчийн үүргийн хэрэгжилтэд сул байсаар байна. Иймд Монгол улсын хувьцаа гаргагчийн эрх зүйн орчны өнөөгийн нөхцөл байдлыг судлан, тулгамдаж буй асуудлыг тодорхойлж шийдвэрлэх саналыг дэвшүүлсэн болно
