Хураангуй:
Судалгааны ажлын сэдвийг Монгол улсын хэмжээнд үзэл бодлоо чөлөөтэй илэрхийлэх эрх чөлөөний хэрэгжилтийн судалгаа, цахим орчинд өөрийн үзэл бодлыг илэрхийлэх эрх чөлөөний тухай хийгдсэн судалгаа хангалттай хэмжээнд байдаггүй бөгөөд иргэн өөрийн эрхийг эдлэх явцдаа бусдын эрхэнд халдвал хуулийн хүрээнд тус эрхийг хязгаарлах нөхцөл боломжийг тодруулах хэрэгцээ шаардлага үүссэн зэрэг үндэслэлээр сонгосон болно.
Энэхүү судалгааны ажлаар Монгол улсын иргэний үзэл бодлоо чөлөөтэй илэрхийлэх эрх чөлөө хуульд тусган бататгасаны дагуу хэрэгжиж чадаж байгаа эсэх, цахим орчин дахь үзэл бодлоо чөлөөтэй илэрхийлэх, нэрээ нууцлах эрх зүйн зохицуулалтын тухай судалж, хэвлэн нийтлэх эрх чөлөөний эрх зүйн зохицуулалт болон
тулгамдаж буй асуудлыг тодорхойлон нэгдсэн дүгнэлт хийж санал, зөвлөмж боловсруулсан.
