Хураангуй:
Монгол улсад зочид буудлын салбар нь эрчимтэй хөгжиж буй ба Олон улсын сүлжээ
зочид буудал болон дотоодын одны зэрэглэлтэй ба зэрэглэлгүй зочид буудал, жуулчны бааз зэрэг үйлчилгээний байгууллагуудын тоо жилээс жилд нэмэгдэж байна. 2021 оны I дүгээр улирлын байдлаар улсын хэмжээнд нийт 442 зочид буудал үйл ажиллагаа явуулж, зочид буудлын салбарт ажиллагсдын тоо 2448 байна. Салбарын ажиллагсдын “Хэдэн хувь нь мэргэжлийн ур чадвартай вэ?” гэх асуудал нь маш чухал билээ. Учир нь зочид буудлын ажилчдын ур чадвараас хамааран энэхүү зах зээлд өрсөлдөгч байгууллагуудын үйлчилгээний чанар шууд хамаардаг. Энэхүү дипломын төсөлд орон нутагт үйл ажиллагаа явуулж буй зочид буудлуудын үйл ажиллагаа, үйлчилгээний стандартын хэрэгжилт болон ажилчдын мэдлэг, ур чадварын түвшинг тодорхойлж, тэдгээрийн ур чадварыг сайжруулах сургалтын арга хэлбэрийн талаарх санал зөвлөмжийг хүргэв.
