Хураангуй:
Монгол улсад 2021 онд хийгдсэн судалгаагаар 4.69 сая гар утасны хэрэглээ байгаа гэж гарсан бөгөөд 2.01 сая хүн буюу Монгол улсын нийт хүн амын 61% нь интернет хэрэглэгч гэж судалгаагаар гарсан байна. 2020 оноос эхлэн 2 жилийн хугацаанд дэлхий даяар аюулт цар тахалт өвчин гарсны улмаас онлайн худалдаа, үйлчилгээ болон онлайн хоолны хүргэлтийн үйлчилгээ болон энэ төрлийн үйлчилгээг хүмүүст түргэн шуурхай хүргэх дижитал бүтээгдэхүүн буюу онлайн худалдаа үйлчилгээний аппликейшн, веб сайтуудаар үйлчлүүлэх хэрэглэгчдийн тоо улам бүр ихсэж байна. Энэхүү дипломын ажлаараа "Хүргэлтийн хоолны аппликейшн хэрэглэгчдийн сэтгэл ханамжийг судлах" бас ингэхдээ үйлчлүүлэгчдийн ерөнхий ойлголтыг судлан, үйлчлүүлэгч нарын нас хүйсээс хамаарч хандлага хэрхэн зөрүүтэй байгааг тодорхойлон, хэрэглэгч үйлчлүүлэгчийн үнэнч байдал, гар утасны аппликейшн ашиглан хоол хүргэлтийн үйлчилгээнээс авч буй сэтгэл ханамжийг үнэлэн, түүнд суурилан тухайн салбарт үйл ажиллагаа эрхлэж буй аж ахуй нэгж, байгууллагуудад санал, зөвлөмж боловсруулсан.
