Түүх өгүүлэх маркетинг хэрэглэгчийн брэндийн туршлагад нөлөөлөх нь

Abstract

Түүх ярих нь аливаа үйл явдал эсвэл ямар нэгэн зүйлийг илүү сонирхолтой, дурсамжтай болгохын тулд дүрслэх харилцааны нэгэн хэлбэр юм. Орчин үеийн бизнесийн ертөнцөд түүх өгүүлэх нь стратеги төлөвлөлт, маркетинг хийхэд чухал үүрэг гүйцэтгэдэг болсон. Энэхүү дипломын ажлаараа нь түүх өгүүлэх талаар илүү сайн ойлголттой болох, хэрэглэгчийн дунд брэндийн туршлагыг дээшлүүлэх зорилгоор брэндийг сурталчлах арга болгон ашиглаж болох эсэхийг судлах явдал юм. Судалгааг чанарын аргаар хагас бүтэцлэгдсэн аргаар ярилцлага хийж авсан болно. Wolarsen брэндийн талаарх түүх өгүүлсэн мэдэээлэл болон түүх өгүүлээгүй товч мэдээллийг брэндийн туршлагагүй 15-40 насны 20 эмэгтэйг сонгон авч 20 минутын турш ганцаарчилсан, гүнзгийрүүлсэн ярилцлага хийв. Ярилцлагад брэндийн мэдлэг, хүлээн авсан чанар, брэндүүдийн холбоо, брэндэд үнэнч байх сэдвийн дагуу гол асуултуудыг багтаасан болно. Түүх өгүүлэх нь хэд хэдэн хүчин зүйлийг сайжруулж, эерэгээр нөлөөлсөн гэж үзсэн тул хүлээгдэж байсан таамаглалын дагуу байсан. Түүх өгүүлэх нь брэндийн үндсэн үнэ цэнийг хэрэглэгчдэд хүргэх, брэндийн талаар илүү эерэг ойлголтыг бий болгох, хэрэглэгчийн оюун ухаанд илүү хүчтэй байр суурийг бий болгоход туслах үр дүнтэй хэрэгсэл юм. Тиймээс түүх ярих нь ирээдүйн брэнд, маркетингийн менежментийн судалгаанд улам бүр ашиглагдах хэрэгтэй.