Хураангуй:
Төсвийн бодлого болон урсгал тооцооны дансны хоорондын хамаарал нь эдийн засагчид болон бодлого боловсруулагчдын сонирхлыг татсаар ирсэн асуудал юм. Урсгал тооцооны алдагдал нь олон оронд үүсдэг асуудал бөгөөд өөрөөр хэлбэл төсвийн зохицуулалт нь гадаад тэнцвэргүй байдлыг бууруулахад хэр зэрэг нөлөө
үзүүлдэг бөгөөд энэ асуудлын хүрээнд эмпирик судалгаанууд олон улсын хүрээнд одоог хүртэл хийгдсээр байгаа юм. Иймд Монгол улсын хувьд төсвийн алдагдлын урсгал тооцоонд үзүүлэх нөлөө, түүний үр дүнг тухайн тохиолдол буюу дэлхийн зах зээл дээрх нүүрсний үнийн эерэг шокийн хүрээнд авч үзэхийг зорьлоо. Тус судалгааны ажлын шинжилгээг хийхийн тулд вектор алдаа засварлах загварыг ашигласан бөгөөд урсгал тэнцлийн алдагдал нь урт хугацаанд төсвийн алдагдалд төдийлөн нөлөө үзүүлэхгүй ач холбогдолгүй байсан бол богино хугацаанд урсгал тэнцлийн алдагдал нь 95%-ийн итгэх түвшинд эерэг нөлөө үзүүлж байна. Тухайн тохиолдолд буюу дэлхийн зах зээл дээрх нүүрсний үнийн шокноос үүдэн төсвийн алдагдал нь макро эдийн засгийн хувьсагчдаар дамжин урсгал тэнцлийн алдагдлыг өдөөдөг нь тогтоогдлоо.
