Хураангуй:
Монгол улс хамгийн анх 1994 онд үнэт цаасны харилцааг зохицуулсан анхны эрх зүйн зохицуулалтыг батлан гаргасан нь үнэт цаасны зах зээл бүрэлдэн хөгжих суурийг тавьсан бөгөөд энэхүү харилцааг улам боловсронгуй болгохын тулд хэд хэдэн удаа нэмэлт, өөрчлөлт оруулсны эцэст 2013 онд одоогийн Үнэт цаасны зах зээлийн тухай хуулийн шинэчилсэн найруулгыг баталсан билээ. Тус найруулгаар үнэт цаасны зах зээлд ач холбогдол бүхий олон заалтууд шинээр оруулсны нэг нь хадгаламжийн бичиг гэх шинэ төрлийн бүтээгдэхүүнийг бий болгож, кастодиан буюу хадгаламжийн үйл ажиллагааг бий болгосон нь юм. Иймд уг судалгааны ажлаар хадгаламжийн бичиг гэж юу болох, үүний төрөл, онцлог, шинж чанар болоод энэ нь манай улсын үнэт цаасны зах зээлд бий болсноороо тус зах зээлд оролцогч этгээдүүдэд ямар боломжийг нээж өгсөн, уг харилцааг зохицуулсан хууль тогтоомж нь хэр боловсронгуй болсон гэдгийг гадны улстай харьцуулан судаллаа.
