Хураангуй:
Монгол улсын хэрэглэгчдийн автомашины хэрэглээ өсч байна. Автомашин үйлдвэрлэгчдийн техник технологи хөгжиж илүү дэвшилтэт хэрэглээ бүхий автомашинийг хэрэглэгчдэд нийлүүлж эхлээд байгаа бөгөөд эдгээр автомашинууд нь илүү байгаль орчинд ээлтэй, эдийн засагт хэмнэлттэй шийдлээр хийгдэх болсон. Үүнийг дагаад тос тосолгооны бүтээгдэхүүн өөрчлөгдөж байгаа. МУ-н зах зээлд автомашины засвар үйлчилгээ, тос тосолгооны бүтээгдэхүүн нийлүүлэгч олон компани байдаг бөгөөд энэ төрлийн бизнес МУ-д хурдацтайгаар хөгжиж байна. Ийнхүү өнөөдөр автомашины хэрэглээ өдрөөс өдөрт нэмэгдэж үүнийг дагаад автомашины дагалдах сэлбэг хэрэгсэл, засвар үйлчилгээ зэргийн эрэлт хэрэгцээ өсч байна. Энэ салбарын хувьд өрсөлдөөн ширүүсч маркетингийн мэргэжилтний мэдлэг, чадвар, бүтээлч сэтгэлгээг илүү ихээр сорих болсон. “Чандмань Интернешнл” ХХК-н хувьд “CAM2” брендийн автомашины тос тосолгооны бүтээгдэхүүнийг зах зээлд шинээр нэвтрүүлэхээр зэхэж байгаа бөгөөд жижиг дунд бизнесийн хувьд маркетинг төлөвлөгөөг боловсруулахад маркетингийн мэргэжилтний туслалцаа шаардлага үүссэн бөгөөд энэ чиглэлээр мэргэшиж буй оюутан миний хувьд төгсөлтийн дипломын ажлыг зах зээлд шинээр брэнд бүтээгдэхүүн нэвтрүүлэх маркетинг төлөвлөгөө бичих боломж олдож онолын мэдлэгээ практикд ашиглаж тодорхой хэмжээнд зах зээлийн талаар мэдлэг хуримтлуулах, туршлагажих боломж хэмээн үзэж энэхүү сэдвийг сонгосон болно.
