Хураангуй:
Энэ судалгааны ажлаараа 0-13 насны хүүхдэд зориулсан дотоодын бэлэн хувцасны
брэнд танигдалтын нөлөөлөгч хүчин зүйлсийг тодорхойлохыг зорьсон юм. Брэндийн
танигдалт нь хүмүүсийн брэндийн талаарх ухамсар ба брэндийг эргэн санах байдал юм.
Брэндийн танигдалт нь худалдан авах шийдвэр гаргалтад нөлөөлдөг. Хүүхдийн хувцас
нь гэр бүлийн шийдвэр гаргалт бөгөөд хүүхэд худалдан авах шийдвэрт 4 төрлөөр
нөлөөлдөг. Харин худалдан авах эцсийн шийдвэрийг эцэг эхчүүд гаргадаг байна. Тиймээс
эцэг эхчүүдээс хүүхдийн хувцасны брэнд танигдалтанд юу нөлөөлж буйг тоон судалгаан
аргаар буюу асуулгаар авах ба туршилтын судалгааг явуулах юм.
Судалгааг авахдаа брэнд танигдалтад зар сурталчилгаа, эерэг брэндийн мэдээлэл, үнэ,
олон улсын брэндийг хүлээж авах байдал, хэрэглэгчийн оролцоо, дэлгүүрийн имидж,
мерчиндайзинг, үйлчилгээний соёл, бодит худалдан авалт, хандлага, чанар, загварын хэв
маяг,хүүхдийн нас, хүүхдийн бие даасан байдал, үе тэнгийнхэний сонголт нөлөөлдөг
хэмээн 12 таамаглал дэвшүүлсэн. Дүн шинжилгээ хийхдээ найдвартай байдлын
шинжилгээ, хүчин зүйлсийн шинжилгээ болон регрессийн шинжилгээ хийсэн.
Судалгааны үр дүнд 4 таамаглал нь батлагдсан.
