Хураангуй:
"Монгол Улсын засгийн газраас жил бүр дундаж цалингийн өсөлттэй уялдуулан тэтгэврийг өсгөх индекс буюу цалингийн итгэлцүүрийг шинэчлэн тогтоох шаардлагатай байдаг ч 2010 оноос хойш шинэчлэн батлаагүй байна. Гэвч 2010 оноос хойш улсын дундаж цалин тогтмол өсөлттэй байгаа нь тэтгэвэр тогтоолгосон болон тогтоолгож буй иргэдийн бодит тэтгэврийн хэмжээг бууруулж байна. Хэрвээ жил бүр цалингийн итгэлцүүрийг шинэчлэх баталсан тохиолдолд тэтгэвэр авагч иргэдийн тэтгэврийн хэмжээнд хэрхэн нөлөөлөх, өмнө нь авч байсан тэтгэврийн хэмжээг тухайн үеийн дундаж цалингийн хэмжээнд эзэлж байсан хувиас хэр хэмжээгээр багассан, тэтгэвэр авч буй иргэд тэтгэврийн хэмжээндээ хэр сэтгэл
хангалуун байгаа зэрэг судалгааг хийх болно. Мөн олон улсад өмнө нь авч байсан цалин хөлсийг одоогийн цалин хөлстэй уялдуулан өсгөх хүчин зүйлийн талаар судаллаа."
