Хөрөнгө оруулалтын шийдвэр гаргалтад нөлөөлөгч хүчин зүйлсийн судалгаа

Abstract

Монголын хөрөнгийн зах зээл сүүлийн жилүүдэд эрчимтэй хөгжин дэлгэрч, иргэдийн хөрөнгө оруулалт хийх сонирхол нэмэгдэхийн хэрээр тодорхойгүй байдлын эрсдэл үүсэх ба уг эрсд элийн бууруулах, өнөөгийн нөхцөл байдалд хөрөнгө оруулалтын шийдвэр гаргалтад нөлөөлөгч хүчин зүйлсийн судалгаа хийх шаардлага байна. Уг судалгааны ажлын зорилго нь хөрөнгө оруулалтын шийдвэр гаргалтад нөлөөлөгч хүчин зүйлсийг тодорхойлон, хөрөнгө оруулагчдад шаардлагатай санал зөвлөмж өгөх явдал юм. Судалгааны ажилд анхдагч болон хоёрдогч эх сурвалжийг өгөгдлийн эх үүсвэр болгон ашигласан ба хоёрдогч өгөгдлүүдийн хувьд оновчтой эх үүсвэрүүд ашиглан тэдгээрийн эх сурвалжийг зохих байдлаар дурдсан билээ. Харин анхдагч өгөгдлийг цуглуулахын тулд судалгааны арга, аргачлалыг боловсруулахдаа Балба улсын судлаачийн “Хөрөнгө оруулагчдын шийдвэр гаргалтад нөлөөлөх хүчин зүйлс: Балба улсын хөрөнгийн биржийн жишээ” сэдэвт судалгааны ажлыг загвар болгон судалгааны зорилтын хүрээнд хөрөнгийн зах зээлийн арилжаанд оролцогч дотоодын хөрөнгө оруулагчдаас 12 хувьсагчтай санхүүгийн тайлангийн мэдээлэл, компанийн дүр төрх, бусдын санал зөвлөгөө гэсэн 3 хүчин зүйл бүхий нийт 16 асуултын хүрээнд судалгаа авч, нийт 132 анхдагч өгөгдөл цуглуулснаас 21-г нь арилжаанд оролцдоггүй гэсэн шалтгаанаар хүчингүйд тооцов. Өгөгдлүүдийг Microsoft Excel болон IBM SPSS программуудыг ашиглан боловсруулсан ба үр дүнд хөрөнгө оруулалтын шийдвэр гаргалтад хүчин зүйлс нь бүгд эерэг хамааралтай байсан бөгөөд санхүүгийн тайлангийн мэдээлэл хамгийн их нөлөө үзүүлдэг тул судалгааны 4 тамааглал батлагдсан билээ.