Татварын мэргэшсэн зөвлөх үйлчилгээнд тулгамдаж буй асуудлууд, түүнийг шийдвэрлэх нь

Abstract

Цар тахал олон улс орны бүхий л салбарт ихээхэн хүчтэй нөлөөлөл үзүүлж байгаагийн адил Монгол улсад үйл ажиллагаа явуулж буй олон салбарын орлого, хөдөлмөр эрхлэлт, үйл ажиллагааны түвшин буурсан үзүүлэлттэй, эдийн засгийн хүнд нөхцөл байдал бий болсон энэ цаг үед татварын мэргэшсэн зөвлөх үйлчилгээнд тулгамдаж буй асуудлуудыг тодорхойлох, түүнийг шийдвэрлэх талаар санал, зөвлөмж боловсруулах нь судалгааны ажлын зорилго болсон. Судалгааны ажлын онлайн асуулгыг ажилчдаас авах 20 асуулт, гүйцэтгэх удирдлагаас авах нэмэлт 3 асуултаас бүрдэх байдлаар боловсруулан 2021 оны 4 сард “А” ТМЗ ХХК-ийн гүйцэтгэх удирдлагад хүргүүлсэн бөгөөд судалгаанд нийт ажилчид болох 25 ажилтан бүрэн хамрагдсан болно. Цар тахлын үед татварын мэргэшсэн зөвлөх үйлчилгээний эрэлт, харилцагч, борлуулалтын орлого, ашигт ажиллагаа буурсан, ажилчдын ажлын ачаалал тодорхой түвшинд ихэссэн, цалин хөдөлмөрийн хөлсийг ажлын ачаалалд нийцүүлэн олгох, эсхүл ажлын ачааллыг тэнцвэржүүлэх нөхцөлийг эрэлхийлэх, ажилчдынхаа эрүүл мэнд, аюулгүй байдалд чиглэсэн үйлчилгээ үзүүлэх, техник ур чадварыг хөгжүүлэх, мэргэжлээ дээшлүүлэх боломжоор хангах, урамшуулан дэмжих, тэдэнд тулгамдаж буй асуудлууд болон цахимаар ажиллахад тулгарч буй бэрхшээлүүдийг гүйцэтгэх удирдлагын зүгээс цаг алдалгүй анхаарах, эрсдэлийн удирдлагын бодлогын баримт бичгийг чанд мөрдөх шаардлагатай гэх мэт тулгамдаж буй асуудлуудын шалтгаант нөхцөл байдал тодорхой болж, судалгааны үр дүнд суурилсан дүгнэлт, санал зөвлөмжийг судлаачийн зүгээс боловсрууллаа.