Хураангуй:
Өнөөгийн завгүй нийгэмд ажил, сургууль, гэртэйгээ ойрхон хэрэгцээгээ хангах, яарч явахдаа ороод гарахад удахгүйгээр ажлаа амжуулах тийм л тав тухтай газар зайлшгүй хэрэгтэй байгаа ба үүнийг бидний мэдэхээр конвиниенс дэлгүүр гэж нэрлэдэг. Тиймээс бидний сайн мэдэх CU, Circle K конвиниенс дэлгүүрүүд нь цар тахлын үеэр сошиал платформоороо дамжуулан үйлчилгээний чанараа хэрхэн бий болгож, хэрэглэгчдийн сэтгэл ханамжийг ямар төвшинд байлгаж байгааг судалсан ба хэрэглэгчид хэрэглэгчийн сэтгэл ханамжийн аль үзүүлэлтийг илүү чухалчилж байгааг тодорхойлон конвенинс дэлгүүрийн сошиал платформ дахь агуулгын шинжилгээг хийн энэхүү цар тахалтай нөхцөлд эдийн засгийн нөхцөл байдал конвиниенс дэлгүүрийн үйл ажиллагаанд хэрхэн нөлөөлж байгааг Монголд үйл ажиллагаагаа явуулж байгаа франчайз хийсэн 2 конвиниенс дэлгүүрийн жишээн дээр харьцуулан судлах зорилго тавин ажилласан ба чанарын судалгааны арга зүйн контент анализын аргыг гол судалгааны арга зүй болгон facepager програм ашиглан өгөгдлөө цуглуулж судалгааны ажлаа гүйцэтгэсэн. Энэхүү судалгааны маань үр дүнд хатуу хөл хорионы үед конвиниенс дэлгүүрүүд өөрсдийн аппликейшныг сайн хөгжүүлэн хэрэглэгчдэд цаг алдалгүй мэдээллийг хүргэх, хэрэглэгчдийг хэрэгцээг хангах бүтээгдэхүүн, үйлчилгээг санал болгох, хэрэглэгчдийн аюулгүй байдлыг ханган хүргэлтийг үйлчилгээг хурдан шуурхай шийдэж өгөх зэрэг арга хэмжээ авах нь компанийн өсөлтийг бий болгоход нөлөөтэй, компанийн өсөлтийг сошиал идэвхжүүлэлт сайн байгууллагууд сошиал хэрэглэгчдэд өөрсдийн брендээ хоногшуулах байдлаар нөлөөлж болдог, дэлгүүрүүдийн стандарт анх нээгдэж байсан байдлаасаа муудаж байгаа зэрэг үр дүнд хүрсэн.
