Хураангуй:
Дипломын ажлын хүрээнд Пакистаны их сургуулийн судлаачид болох Sidrah Waheed, Marium Mateen Khan, Nawaz Ahmad нарын Карачи их сургуулийн хүрээнд 2018 хийсэн “Product Packaging and Consumer Purchase Intentions”, болон Suganya, Kisho, Kumar гэх судлаачдын 2019 онд хийсэн “The Impact Of Product Packaging On Consumer Purchase Intentions: Special Reference To Beauty Care Products In Batticaloa District” зэрэг судалгаануудыг судалсны үндсэн дээр тоон судалгааны загварыг боловсруулан худалдан авах эрмэлзэлд үзүүлэх сав баглаа боодлын нөлөөллийг тодорхойлохын тулд 28 шкал асуулт болон гарын тосны хэрэглээг тандах 5 асуулт мөн хувийн мэдээлэлтэй холбоотой 8 асуултаас бүрдсэн асуулгын судалгааг авсан. Судалгааг Google Form-r онлайн хэлбэрээр цуглуулж, нийт 435 түүврээс 37 ширхэг судалгааг хүчингүйд тооцож үлдсэн 398 өгөгдлийг ашиглаж IMB SPSS Statistics 23 програм дээр шинжилгээ хийж үр дүнд ялгаатай онцлог бүхий 2 бүлэг хүмүүсийг гаргаж ирсэн. Уг ялгаатай бүлгүүд дээр тулгуурлан гарын тос хэрэглэгч бүлэг тус бүрт хамаарагдах түүврийг цуглуулж нийт 24 хүний оролцоотойгоор туршилтын судалгааг аюулгүй байдлыг сахихын тулд цахимаар хийсэн. Туршилтын судалгаагаар сав баглаа боодлын 4 элеметүүдийг өөр хувилбаруудаар үзүүлэн үнэлгээ өгч, харьцуулалт хийж үр дүнг нэгтгэн боловсруулж зөвлөмж бичсэн болно.
