Хураангуй:
Судалгааны хүрээнд Монгол улсын мэдээллийн технологи, харилцаа холбооны компаниудын авьяас чадварын менежментийг байгууллага хэрхэн ашиглан ажилтнуудын үнэнч байх сэтгэлгээг суулгаж байгааг онолын судалгаанд тулгуурлан судалгааны дизайн боловсруулж, мэдээллийн технологи, харилцаа холбооны салбарын ажилтнуудын жишээн дээр эмпирик судалгаа хийн тодорхойлж цаашид энэхүү салбарын хүний нөөцийн удирдлагуудад санал зөвлөмж боловсруулсан болно.
Судалгааны арга зүйн хувьд судалгааны өгөгдлөө асуулгын болон ярилцлагын аргаар цуглуулах тул ХХМТ-ийн 2020 онд гаргасан салбарын хүний нөөцийн судалгааны үр дүнд нийт 13 төрлийн чиглэлээр үйл ажиллагаа явуулдаг хувийн болон улсын хэвшлийн аж ахуй нэгжид 11,099 хүн ажиллаж байгаа бөгөөд өгөгдөл цуглуулах санал асуулгын аргаар авьяасын менежментийн үнэнч байдалд нөлөөлөх нөлөөг тодорхойлж Google form ашиглан цахимаар энгийн санамсаргүй түүврийн аргыг ашиглан 275 өгөгдөл цуглуулснаас логикын хувьд алдаатай бөглөсөн 49 өгөгдлийг хасаж өгөгдлөө бүрдүүлсэн ба цугласан өгөгдөлийг SPSS Statistics v23.0 болон MS/Excel 2018 програм ашиглан өгөгдлийн шинжилгээг хийсэн.
Байгууллага өөр дээрээ авьяас чадварын менежментийг дэмжихэд чиглэсэн үйл ажиллагаа явуулах нь ажилтны ажлын гүйцэтгэл болон үүрэг хариуцлагын үнэнч байдал, сэтгэл хөдлөлийн үнэнч байдал, тасралтгүй үнэнч байдлыг дэмжиж байгаа бөгөөд авьяасын менежмент нь ажилтнуудын ажилдаа үнэнч байх сэтгэлгээнд эерэг хамааралтай байгааг судалгааны үр дүнгээс харж болно.
