Хураангуй:
Судалгааны ажлаараа франчайз болон бие даасан хэлбэрээр үйл ажиллагаа явуулж буй кофе шопоор үйлчлүүлэгчдийн сэтгэл ханамжийг ярилцлага болон санал асуулгын аргаар судалж, бизнесийн төрлөөр нь харьцуулан энэхүү чиглэлээр одоо болон цаашид бизнес эрхлэгчдэд өөрсдийн бизнесийн төрлөө ойлгоход нь туслах үүднээс үйлчилгээний стандартыг нь өөрсдөөс нь мэдэж ялгаатай давуу ба сул талууд, өрсөлдөх давуу талыг нь тодорхойлж үйл ажиллагаагаа амжилттай явуулахад санал, зөвлөмжийг боловсруулсан болно.
Судалгааг санал асуулгын арга, ярилцлагын арга ашигласан. Ярилцлагыг кофе шопын эзэд болон менежерүүдтэй хийсэн. Фокус бүлгийн ярилцлагыг франчайз, бие даасан кофе шопуудаар үйлчлүүлдэг 5 5 хүнтэй 2 ярилцлага хийсэн. Санал асуулгын аргын хувьд 2 төрлийн кофе шопоор үйлчлүүлэгчдээс цахимаар цуглуулсан 498 өгөгдлөөс шаардлага хангаж буй 458 (229 франайз, 229 бие даасан) өгөгдөл дээр SPSS 23.0 , Microsoft Excel 2019 програмуудыг ашиглан шинжилгээ хийсэн.
Гол үр дүнгүүд нь 2 төрлийн кофе шопоор үйлчлүүлэгчдийн сэтгэл ханамж ойролцоо буюу 70% орчим байсан. Нийт үйлчлүүлэгчдэд бүтээгдэхүүний амт, орчин уур амьсгал нь хамгийн чухал зүйлс бөгөөд үйлчилгээний стандартад төдийлөн ач холбогдол өгдөггүй. Гэсэн ч судалгааны хүчин зүйлс нь сэтгэл ханамжтай эерэг хамааралтай бөгөөд франчайз кофе шопоор үйлчлүүлэгчдийн хувьд ажилчид, материаллаг байдал нь бие даасан кофе шопоор үйлчлүүлэгчдэд бусад зүйлс нь сэтгэл ханамжийг илүү тодорхойлж өрсөлдөх давуу талыг бий болгож байна.
