Хураангуй:
Энэхүү судалгааны ажлаар бид Хятад болон Монгол улсын ХХОАТ-ын үүсэл хөгжил, зарчмууд, хөнгөлөлтүүдийг судлах замаар Хятад улсын татварын туршлагыг Монгол улсын татварын системд нэвтрүүлэх боломжийг судалсан. Хоёр улсын ХХОАТ-ын ижил болон ялгаатай талуудыг харуулах байдлаар харьцуулалтууд хийлээ. Хятад улсын татварын бодлого нь 7 удаа шинэчлэгдсэн байдаг бөгөөд хамгийн сүүлд 2018 онд шинэчлэгдсэн. Энэхүү шинэчлэлээр бага болон дунд орлоготой иргэдэд татварын дарамт бага учруулахад анхаарал хандуулсан. Мөн хөнгөлөлт эдлэх заалтуудыг тодорхой болгосон байна.
Монгол улсын хүн амын дийлэнх хэсэг нь дунд болон дундаас доош орлоготой. Өдрийн хэрэглээний орлогоо тухайн өдөртөө л олдог маш олон айл өрхүүд бий. Ийм учир шаталсан хүүгийн хэмжээгээр ХХОАТ шимтгэлийг ногдуулдаг байх боломжтой харагдаж байна. Харин өндөр орлоготой хүмүүс нь тэр хэрээрээ өндөр татвар төлөх шаардлагатай болно. Мөн тэгш шударга байх зарчмын гажуудал, мэдээллийн тэгш бус байдлаас үүдэж эрхээ эдэлж үүргээ биелүүлж чадахгүй байна.