Хураангуй:
Сүүлийн жилүүдэд агаарын бохирдол, уур амьсгалын өөрчлөлт болон байгаль орчны бохирдлын асуудлууд элбэг тохиолдох болсон нь өргөн хүрээтэй хөгжлийн загварт экологийн тэнцвэргүй байдлыг аажмаар ихсэж байгаа нь тоо баримт судалгаагаар нотлогдсоор байна. Энэхүү тэнцвэргүй байдал нь хүн ардын эрүүл мэндэд аюул учруулж байгаа энэ үед эдийн засгийн хөгжил, байгаль орчныг хамгаалах үзэл баримтлалд тулгуурлан байгаль орчныг хамгаалах үзэл санаа нь илүү их анхаарал хандуулах асуудал болоод байна. Нийгмийн эдийн засгийн салшгүй нэг хэсэг болох нийгмийн хариуцлага, ялангуяа өндөр бохирдолтой салбарт нийгмийн хариуцлагаа хэрэгжүүлэх нь зүйтэй. Байгаль орчны нягтлан бодох бүртгэл ба тайланг боловсронгуй болгох,байгаль орчны хариуцлагыг хүлээх, салбарын өөрчлөлт, шинэчлэлийг хөхүүлэн дэмжих, нүүрсний салбарын тогтвортой хөгжлийг түүний хажуугаар нийгэм, эдийн засаг, экологийн тогтвортой хөгжлийг хангахад дэмжлэг үзүүлэх естой. Одоогийн байдлаар БНХАУ-ын нүүрсний салбарын байгаль орчны нягтлан бодох бүртгэлийн мэдээллийн ил тод байдал олон дутагдалтай асуудалтай хэвээр байгаа тул бид байгаль орчны мэдээллийн агуулга, хэлбэр, агуулгын талаарх онол, практик судалгааг гүнзгийрүүлж, байгаль орчны нягтлан бодох бүртгэлийн мэдээллийг байнга ил тод болгох системийг боловсронгуй болгох хэрэгтэй байна.
Энэхүү судалгаа нь байгаль орчны бүртгэлийн онолын тодорхойлолт, онолын дүн шинжилгээ, байгаль орчны нягтлан бодох бүртгэлийн мэдээллийн нээлттэй ил тод байдалтай холбоотой асуудлуудыг үзэл баримтлалын тодорхойлолт болон онолын шинжилгээн дээр тулгуурлан, байгаль орчны нягтлан бодох бүртгэлийн талаарх мэдээллийг боловсронгуй болгох асуудлуудыг нүүрсний салбарын жишээн дээр судлан авч үзэж санал зөвлөмж боловсруулсан. Статистикийн шинжилгээний аргыг ашиглан, нүүрсний салбарт бүртгэлтэй 23 компанийн шинжилгээг хийсэн болно.