Хураангуй:
Судалгааны ажлын зорилгын хүрээнд 4 үндсэн зорилт дэвшүүлэн энэхүү сэдвийн
хүрээнд судлагдсан байдлын судалгаа болон уг үйлчилгээний гол татваруудын хууль
эрхзүйн орчинг судалж онолын тойм бэлтгэсэн. Судалгааны хэсэгт нүүрс тээврийн үйл
ажиллагаанд оролцогч тээврийн компаниудаас түүвэрлэн 5 компанийн санхүү, татварын
тайлагналд үндэслэн татварын ачааллыг тооцоолсон болно. Мөн нүүрс тээврийн
үйлчилгээнд тулгамдаж буй татварын асуудлуудыг тодорхойлох зорилгоор тус үйл
ажиллагаанд оролцдог тээврийн компаниудын удирдлагууд болон нягтлан бодогчдоос
асуулга судалгааны аргаар шаардлагатай тоон болон чанарын өгөгдлүүдийг цуглуулан,
дүн шинжилгээ хийн нэгдсэн дүгнэлт боловсруулсан болно.