Хураангуй:
Онолын тойм судалгаанд эрсдэлийн тухай тодорхойлолт, ОУ-ын эрсдэлийн удирдлагын үзэл баримтлалын процесс ISO 31000 болон COSO 2004 стандартын зарчим судлан, хоорондын ялгаа болон төстэй талуудыг харьцуулан эрсдэлийн талаар үндсэн ойлголтыг судалсан болно.
Энэхүү судалгааны ажлын хүрээнд түргэн хоолны чиглэлээр үйл ажиллагаа явуулж буй олон улсын франчайзинг эрхтэй “KFC брэнд” сонгон авч түргэн хоолны газрын өнөөгийн байдлыг тодорхойлж, үйл ажиллагаанд учрах эрсдэлүүдийг орчны судалгаа шинжилгээ болон мэдээлэл цуглуулах аргачлалын дагуу тодорхойлох, тэдгээрийн тоон болон чанарын шинжилгээний аргуудыг ашиглан удирдлагын шийдвэр гаргалтад эрсдэлийн үнэлгээнд суурилан дотоод хяналтыг яаж сайжруулах талаар санал зөвлөмж боловсрууллаа.
Дотоод хяналт нь байгууллагын зорилго, зорилтдоо хүрэх цаг хугацааг хурдасгаж, ирээдүйд үүсэх эрсдэлийг бууруулан, байгууллагын үйл ажиллагааг хурдан шуурхай явагдах нөхцөлийг бүрдүүлдэг. Мөн байгууллагын удирдлагыг бодит мэдээллээр хангаж байдгаараа давуу талтай юм.
