Хураангуй:
Энэхүү мастерын зэрэг горилсон судалгааны ажлаар орон сууц нийтийн аж ахуйн
салбарын компаниудад СТОУС 15-ын хэрэгжилтийн тулгамдаж буй асуудлыг илрүүлэн,
орлогын бүртгэлийн онол аргазүйг судлан олон улсын стандартад нийцүүлэх, орлогын
бүртгэлийг сайжруулах арга замыг тодорхойлон заавар зөвлөмж боловсруулсан.
Нэгдүгээр бүлэгт аж ахуй нэгж байгууллагын санхүүгийн үр дүн, хүлээн зөвшөөрөлт,
хэмжилтийн зарчмууд болон Санхүүгийн Тайлагналын Олон Улсын Стандарт 15-ын
үзэл баримтлал, таван алхмын шаардлагын талаар судалсан. Мөн хуучин стандарт
болох НББОУС 11, НББОУС 18 болон шинэ стандартуудыг хооронд нь харьцуулж авч
үзсэн.
Хоёрдугаар бүлэгт Монгол улсын хэмжээнд СТОУС-ын хэрэгжилтийн талаар авсан
судалгааны тайлангууд болон бусад эх сурвалжуудаас авсан мэдээллүүдэд шинжилгээ
хийсэн. Мөн Орон сууц нийтийн аж ахуйн салбарын ашигт ажиллагаанд шинжилгээ
хийж үзсэн болно.
Дөрөвдүгээр бүлэгт орон сууц нийтийн аж ахуйн конторын хувьд үйлчлүүлэгчтэй
байгуулсан гэрээний орлого хүлээн зөвшөөрөлт буюу СТОУС 15-ын таван алхмын
дагуу орлого хүлээн зөвшөөрөхөд ашиглах аргачлал, зөвлөмж боловсруулсан болно.
