КОМПАНИЙН НИЙГМИЙН ХАРИУЦЛАГА ХЭРЭГЛЭГЧИЙН ҮНЭНЧ БАЙДАЛД НӨЛӨӨЛӨХ НЬ

Abstract

Үүрэн холбооны зах зээл нь харьцангуй өрсөлдөөн ихтэй энэ үед КНХ-ыг үр дүнтэй хэрэгжүүлэх нь өнөөгийн минимал амьдралын хэв маяг, эко буюу Zero waste хэв маяг, олон нийтийн сүлжээгээр дамжуулан нэг нэгэндээ туслах, хөдөлгөөн өрнүүлэх гэх мэт зүйлс түгэн дэлгэрээд байгаа энэ үед хэрэглэгчдэд сонголт хийх нэг боломжийг нээж өгч буй хүчин зүйл байж чадах юм. Сүүлийн үед хэрэглэгчид тэр дундаа залуу үеийнхэн өөрийн үзэл бодолдоо үнэнч байж илүү үнэтэй хэдий ч нийгмийн хариуцлагатай, тухайн хувь хүний зарчим, үзэл бодолтой нь нийцсэн үйл ажиллагаа явуулж буй байгууллагын бүтээгдэхүүнийг сонгох хандлагатай бий болсон. Энэхүү хэрэглэгчийн зан төлөв нь жижиглэнгийн худалдаан дээр илүү ажиглагдаж байгаа. Харин харилцаа холбооны үйлчилгээ нь байнгын өдөр тутмын хэрэглээ учир тус салбарын хэрэглэгчид үнэд маш мэдрэг байдаг. Монгол улсад үйл ажиллагаа явуулж буй томоохон оператор компаниуд үнээр өрсөлдөх стратеги баримталж байгаагаас улбаатайгаар цөөхөн оролцогчидтой энэхүү салбарын ирээдүйн хөгжилд сөргөөр нөлөөлж болзошгүй байна. Иймээс, үнийн өрсөлдөөнөөс өөрөөр буюу бусад өрсөлдөөний давуу талуудын боломжийг хайх хэрэгцээ шаардлага үүсэн гарч ирж байгаа тул Компанийн нийгмийн хариуцлага хэрэглэгчдийн үнэнч байдалд эерэгээр нөлөөлж чадах эсэхийг судалсан.