Хураангуй:
Энэхүү судалгааны ажил нь гадаад худалдааны салбарт үйл ажиллагаа явуулдаг бичгийн хэрэгсэл, принтерийн хорны худалдаа эрхэлдэг компаниудад гадаад валютын ханшийн эрсдэлийн тулгамдаж буй асуудлыг тодорхойлон, удирдах оновчтой арга зам, арга хэрэгслийг тухайлан сонгосон компани дээр тодорхойлоход оршино. Судалгаагаа онол, арга зүй, салбарын өнөөгийн байдал болон эмпирик судалгаа гэсэн гурван бүлгийн дагуу авч үзсэн. Судалгааны ажлын онцлог нь гадаад валютын ханшийн эрсдэлийн удирдлагыг бичгийн хэрэгсэл, принтерийн хорны худалдаа эрхлэгч байгууллагууд хэрхэн ашиглаж болохыг харуулсан. Бичгийн хэрэгсэл принтерийн хорны бизнес эрхлэгч компаний валютын ханшийн эрсдэлийг VaR аргаар үнэлж, ханшийн эрсдэлээс хамгаалах санхүүгийн үүсмэл хэрэгслүүдийг ашиглан эрсдэлээ хэрхэн бууруулж болох талаар судалгаа хийж, дүгнэлт, санал зөвлөмж өгөхийг зорьсон.
