Хураангуй:
2020 оны байдлаар тэтгэврийн даатгалын шимтгэлийг албан журмын даатгуулагч, ажил олгогч нийлээд 17%, сайн дурын даатгуулагч 11.5%-иар төлж байна. Гэвч тэтгэвэр тогтоолгохдоо албан журмын болон сайн дурын даатгуулагч ялгаагүй цалин хөдөлмөрийн хөлснөөс тооцуулж байгаа нь нийгмийн хамгааллын үндсэн зарчмын нэг болох тэгш шударга байх гэсэн зарчмыг зөрчиж байна. Тиймээс нийгмийн даатгалын сангаас олгох өндөр насны тэтгэврийн зарим тулгамдаж буй асуудал, түүнийг шийдвэрлэх арга замыг эрэлхийлэх болно.
Мөн тэтгэврийн тогтолцоогоороо дэлхийд тэргүүлэгч улс болох Нидерланд, Дани, Австрали зэрэг улс орны тэтгэврийн даатгалын тогтолцоо, тэтгэврийн нас зэрэг өндөр насны тэтгэврийг хэрэгжүүлэх туршлагыг судалж, манай улсад тулгараад буй нийгмийн даатгалын сангаас олгох өндөр насны тэтгэврийн тооцооллын тэгш бус байдлыг хэрхэн шийдвэрлэх боломжтой талаар санал зөвлөмж гаргасан болно.
