Хураангуй:
Онлайн худалдааны зах зээл нь хэдхэн жилийн өмнө даяарчлалын нөлөөгөөр хүмүүс биечлэн худалдаанаас илүү европ болон өөр бусад гадаадын орнуудын бүтээгдэхүүнийг илүүд үздэг байсан. Харин одоогоор энэхүү эрдмийн ажил нь тухайн салбарт байгаа нөөц, технологийг одоо үйл ажиллагаа явуулж буй хувь хүн болон байгууллага хэрхэн ашиглаж давуу талуудыг бий болгох, салбарт шинээр орж байгаа байгууллага хувь хүнд байгаа боломжийг харуулах, хэрэглэгчийн хүсэл хэрэгцээг тодорхойлсон. Судалгааны үр дүнгүүдээс дурдвал, онлайн худалдан авалтын хэрэглээ эрчимтэй нэмэгдэж байгаа бөгөөд салбарын нөхцөл байдал салбарт шинээр нэвтрэгсэд өдрөөс өдөрт нэмэгдэж байгаа юм. Зах зээлийн хэрэглэгчдийн хувьд өнөөгийн нийгэмд 18-35 насны иргэд хамгийн эрчимтэй хэрэглэгчид байгаа бөгөөд хэрэглэгчдийн хувьд технологийн хэрэглээ шаардлага өндөр бүхий хүмүүс орч байгаа юм. Өрсөлдөгчийн хувьд зах зээл дээр үйл ажиллагаагаа явуулаад удаагүй байгаа ч олон нийтэд танигдсан, идэвхтэй үйл ажиллагаа явуулж буй байгууллага бөгөөд тэд ихэнхдээ 4-5 жил үйл ажиллагаа явуулсан байна. Байгууллагууд ерөнхий баримталдаг стратегийнхаа хүрээнд үйл ажиллагаагаа явуулдаг .Ихэнх өрсөлдөгчид зардалд төвлөрсөн стратеги баримталдаг хэдий ч зарим хэрэглэгчийн сегмент нь өөр өөр байна. Зах зээл дээр шинээр нэвтрэх хориг саад, өрсөлдөгчдийн зүгээс үзүүлэх эсэргүүцэл болон хэрэглэгчийн худалдан авах газраа солих зардал зэрэг нь бусад салбаруудтай харьцуулахад бага бөгөөд шинээр нэвтрэгчдэд олон нийтэд өөрсдийн бүтээгдэхүүнийг таниулах, худалдан авагчтай болох зэрэг нь өндөр боломжтой байна
