Хураангуй:
Энэхүү дипломын ажлын хүрээнд тээвэр лосистикийн салбарын гадаад худалдаанд нөлөөлөх нөлөөллийг судлах зорилгоор энэ талаар өмнө хийгдсэн ажлуудыг судалж мөн гадаад худалдааны онолуудыг судлан логистикийн гадаад худалдаан дахь нөлөөллийг хэрхэн судлах талаар арга замуудыг тодорхойлсон. Энэхүү ажлын хүрээнд үндсэн хоёр таамаглалыг дэвшүүлсэн ба логистик нь гадаад худалдааг дэмждэг, мөн гадаад худалдааг хөнгөвчлөх модератор нөлөө үзүүлдэг гэх таамаглалуудыг тавьсан. Эхний таамаглалыг ажиглахын тулд эмпирик загварыг өмнө хийгдсэн ажлаас авч экспорт болон импортын тэгшитгэл үнэлсэн ба логистик нь
экспортод эерэг нөлөөтэй, валютын ханш сулрах нь экспортыг өдөөдөг, худалдааны маргааныг шийдвэрлэх хугацаа уртсах тусам импорт болон экспорт хоёуланд сөрөг нөлөө үзүүлдэг ба түнш оронтойгоо ижил хэлээр ярих, хиллэх зэрэг нь импортод эерэг нөлөөтэй үр дүн ажиглагдсан. Логистик нь гадаад худалдааг хөнгөвчилдөг буюу модератор нөлөө үзүүлдэг эсэх таамаглалыг шалгахдаа гравитацын загварт логистикийг модератор буюу үржвэр байдлаар өргөтгөсөн ба МУ-н худалдааны түнш орнуудыг сонгон авч шинжилгээ хийсэн ба логистик нь гадаад худалдаанд үүсэх байршлын сөрөг нөлөөг хөнгөвчилдөг гэх үр дүнд хүрсэн. Тиймээс манай орны логистикийг хөгжүүлэх шаардлагатай гэж дүгнэсэн.
